រដ្ឋមន្ត្រីការពារជាតិកម្ពុជាលើកឡើងថា កិច្ចសហការយោធាកម្ពុជា និងចិនពិតជាសំខាន់សម្រាប់ការពារជាតិ

ភ្នំពេញ ៖ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានថ្លែងថា កិច្ចសហប្រតិបត្តិការយោធាកម្ពុជា-ចិន ពិតជាមានសារសំខាន់ ក្នុងការលើក កម្ពស់សមត្ថភាពនាយ ទាហាន វ័យក្មេងបន្តវេន លំហាត់ហ្វឹកហ្វឺនរួមគ្នា និងការធ្វើទំនើបកម្ម ហេដ្ឋារចនា សម្ព័ន្ធ យុទ្ធោបករណ៍ សម្រាប់ការពារអធិតេយ្យភាព

បូរណ ភាពទឹកដីប្រទេសជាតិ ខណៈបច្ចុប្បន្ន និងទៅអនាគតបញ្ហាក្នុងតំបន់ និង ពិភពលោក កាន់តែស្មុគស្មាញ ។ 

តាមរយៈបណ្ដាញសង្គមហ្វេសប៊ុក នៅថ្ងៃទី១០ ខែសីហា សម្ដេច ទៀ បាញ់ បានបញ្ជាក់យ៉ាងដូច្នេះថា «ក្នុងបរិបទបច្ចុប្បន្ន និងទៅអនាគត ស្ថានភាពសន្តិសុខ នយោបាយ ក្នុងតំបន់ និងពិភពលោកមានភាព កាន់តែស្មុគស្មាញមិនច្បាស់លាស់ ។ 

សម្តេចបញ្ជាក់ថា «ដូចនេះកិច្ចសហប្រតិបត្តិការយោធាកម្ពុជា-ចិន ពិតជាមាន សារសំខាន់ ក្នុងការលើកកម្ពស់ សមត្ថភាពនាយទាហាន វ័យក្មេងបន្តវេន លំហាត់ហ្វឹកហ្វឺនរួមគ្នា និងការធ្វើទំនើបកម្ម ហេដ្ឋារចនា សម្ព័ន្ធ យុទ្ធោបករណ៍ សម្រាប់ការពារអធិតេយ្យភាព បូរណភាពទឹកដីប្រទេសជាតិយើង» ។ 

សូមបញ្ជាក់ថា ប្រទេសកម្ពុជាចិនត្រូវបានគេមើលឃើញថា បានពង្រឹងពង្រីកកិច្ចសហប្រតិបត្តិការយុទ្ធសាស្រ្តគ្រប់ជ្រុងជ្រោយលើគ្រប់វិស័យក្នុងមានដូចជា៖ វិស័យនយោបាយ សេដ្ឋកិច្ច ការពារជាតិ និងសុខាភិបាលជាដើម៕