កម្លាំងព្រហ្មទណ្ឌស្រុកកៀនស្វាយបញ្ចូនខ្លួនជនសង្ស័យ២នាក់ទៅតុលាការករណីបទល្មើសលួចម៉ូតូ

 

(ខេត្តកណ្តាល)លោកវរសេនីយ៍ឯកព្រុំ សំណាងអធិការស្រុកកៀនស្វាយបានប្រាប់ថា!នៅថ្ងៃទី២៦ខែមេសាឆ្នាំ២០២៣កម្លាំងព្រហ្មទណ្ឌស្រុកកៀនស្វាយបញ្ចូនខ្លួនជនសង្ស័យ២នាក់ទៅតុលាការករណីលួចម៉ូតូនិងកើតហេតុនៅ

ថ្ងៃទី២៥ខែមេសា ឆ្នាំ២០២៣វេលា ម៉ោង០០.៣០នាទី 

។នៅត្រង់ចំណុចភូមិស្តៅកន្លែង២ឃុំដីឥដ្ឋស្រុកកៀនស្វាយខេត្ត កណ្ដាល ។ 

ជនរងគ្រោះ០១នាក់ឈ្មោះប៊ូ ប៊ុនរ៉ានី ភេទស្រីអាយុ៣៩ឆ្នាំជនជាតិខ្មែរ

មានទីលំនៅភូមិឃុំកើតហេតុនិងមុខរបរគ្រូបង្រៀន។

លោកអធិការស្រុកបន្តថា!ជនសង្ស័យមានគ្នា០៣នាក់ ៖

១.ឈ្មោះហៀង  ហេងភេទប្រុស អាយុ១៤ឆ្នាំរស់នៅភូមិ៥សង្កាត់ស្ទឹង មានជ័យ២ខណ្ឌ  មានជ័យរាជធានី ភ្នំពេញ។មុខរបរមិនពិតប្រាកដ (ឃាត់ខ្លួន)

២.ឈ្មោះទុយអូន  ភេទប្រុសអាយុ១៥ ឆ្នាំមានទីលំនៅភូមិ ៥សង្កាត់ស្ទឹង មានជ័យខណ្ឌមានជ័យរាជធានីភ្នំពេញ 

។មុខរបរមិនពិត ប្រាកដ (ឃាត់ខ្លួន)។ 

៣.ឈ្មោះណាង(មិនស្គាល់ ត្រកូល)ភេទប្រុសអាយុប្រហែល៣៥ឆ្នាំមានស្រុកកំណើតនិងទីលំនៅបច្ចុប្បន្នខេត្តតាកែវ(គេចខ្លួន)។

ដោយបានដកហូតម៉ូតូ០២គ្រឿង

១.ម៉ាក់ Honda Scoopy i ពណ៌ ក្រហមស៊េរី  ២០១៨ពាក់ផ្លាក លេខកណ្ដាល1W 6432។ 

២.ម៉ាក់Honda Scoopy ពណ៌ស  ស៊េរី២០២២ពាក់ ផ្លាកលេខភ្នំពេញ  1JG 1841។

លោកអធិការស្រុកកៀនស្វាយបន្ត ទៀតថា!នៅមុនពេលកើតហេតុជនរងគ្រោះបានទុកម៉ូតូចំនួន០២គ្រឿងខាងលើនៅខាងមុខផ្ទះក្នុងរបងដោយចាក់សោររបងត្រឹមត្រូវរួចចូលសំរាកលុងលក់នៅក្នុងផ្ទះ។

លុះដល់វេលាម៉ោង០០និង៣០នាទីឈានចូលថ្ងៃទី២៥ខែមេសាឆ្នាំ២០២៣ក៏មានជនសង្ស័យចំនួន០៣នាក់ជិះម៉ូតូ០១គ្រឿងមកធ្វើសកម្មភាពលួចយកម៉ូតូរបស់ជនរងគ្រោះនិងឈ្មោះណាង(មិនស្គាល់ត្រកូល)ភេទប្រុសអាយុប្រហែល៣៥ឆ្នាំជាអ្នកចូលធ្វើសកម្មភាពលួច។

ចំនែកជនសង្ស័យចំនួន០២នាក់ជាអ្នកឈរចាំខាងក្រៅរបងផ្ទះក្រោយពីធ្វើសកម្មភាពលួចម៉ូតូបានហើយជនសង្ស័យក៏នាំគ្នាជិះម៉ូតូម្នាក់០១គ្រឿងរួមទាំងម៉ូតូដែលលួចបាននោះធ្វើដំណើរតាមផ្លូវជាតិលេខ១ទិសដៅភ្នំពេញចាក់ទៅខាងផ្លូវជាតិលេខ២គោលបំណងទៅខេត្តតាកែវ។

លុះដល់ថ្ងៃទី២៥ខែមេសាឆ្នាំ២០២៣វេលាម៉ោង០៦នឹង០០នាទីព្រឹកទើបជនរងគ្រោះជនម្ចាស់បានដឹងថាបាត់ម៉ូតូក៏បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលដីឥដ្ឋដោយទទួលព័ត៍មានថា

។

កម្កាំងនគរបាលស្រុកកណ្តាលស្ទឹងឃាត់បានជនសង្ស័យចំនួន០២នាក់។

១/ឈ្មោះហៀងហេងភេទប្រុស។ទី២/ឈ្មោះទុយអូន ភេទប្រុសរួមហ្នឹងវត្ថុតាងម៉ូតូចំនួន០២គ្រឿងដែលបានលួចពីខាងស្រុកកៀនស្វាយមកកាលពីយប់មិញ ក្រោយពីទទួលបានពាក្យបណ្តឹងនិងព័ត៍មានបានភ្លាមកំលាំងប៉ុស្តិ៍បានចុះដល់ចំណុចកើតហេតុនឹងបានសហការណ៍ជាមួយកំលាំងជំនាញស្រុកទៅទទួលយកជនសង្ស័យនិងវត្ថុតាងពីនគរបាលស្រុកកណ្តាលស្ទឹងយកមកអធិការដ្ឋាននគរបាលស្រុកកៀនស្វាយដើម្បីកសាងសំណុំរឿងបញ្ចូនខ្លួនទៅតុលាការចាត់ការតាមនិតិវិធីច្បាប់។

ចំពោះវត្ថុតាងម៉ូតូត្រូវបានកម្លាំងព្រហ្មទណ្ឌស្រុកកៀនស្វាយប្រគល់ជូនម្ចាស់វិញ។