លោក កន សុខកាយ អភិបាល នៃគណៈអភិបាលស្រុកល្វាឯមបានអញ្ជេីញចុះត្រួតពិនិត្យកំណាត់ផ្លូវមេខ្សែតភ្ជាប់ពីឃុំថ្មគរ ទឹកឃ្លាំង និងឃុំព្រែករៃ ប្រវែងប្រមាណ ១៧០០ម៉ែត្រ!

ស្រុកល្វាឯមខេត្តកណ្តាល:នៅថ្ងៃព្រហស្បតិ៍ ៥រោច ខែជេស្ឋ ឆ្នាំថោះ បញ្ចស័ក ព.ស២៥៦៧ ត្រូវនិងថ្ងៃទី០៨ ខែមិថុនា ឆ្នាំ២០២៣ លោក កន សុខកាយ អភិបាល នៃគណៈអភិបាលស្រុកល្វាឯម រួមជាមួយលោក ឌុច ផល្លី អនុប្រធាននាយដ្ឋានជួសជុល និងថែទាំផ្លូវថ្នាល់ ព្រមទាំងលោក សិត សុភាព ប្រធានការដ្ឋានជួសជុល ព្រមទាំងអាជ្ញាធរភូមិ-ឃុំពាក់ព័ន្ធ បានអញ្ជេីញចុះត្រួតពិនិត្យកំណាត់ផ្លូវមេខ្សែតភ្ជាប់ពីឃុំថ្មគរ ទឹកឃ្លាំង និងឃុំព្រែករៃ ប្រវែងប្រមាណ ១៧០០ម៉ែត្រ ដែលរងការខូចខាតដោយសារការដ្ឋានកំពុងដំណេីរការត្រៀមធ្វេីការក្រាលកៅស៊ូនាពេលខាងមុខ៕