ដោយទទួលការចង្អុលណែនាំពីលោកឧត្តមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម កម្លាំងជំនាញការិយាល័យនគរបាលចរាចរណ៍ផ្លូវគោក សហការជាមួយកម្លាំងអធិការដ្ឋាននគរបាលក្រុងកំពង់ចាម និង មន្ត្រីសាធារណការ និងដឹកជញ្ជូនខេត្ត ចុះផ្សព្វផ្សាយច្បាប់ស្តីពីចរាចរណ៍ផ្លូវគោក នៅវិទ្យាល័យ តេជោ ហ៊ុន សែន បឹងកុក

ខេត្តកំពុងចាម:ការចូលរួមគោរពច្បាប់ចរាចរណ៍ផ្លូវគោក គឺជាការគោរព ស្រឡាញ់ អាយុ ជីវិត និងទ្រព្យសម្បត្តិ របស់អ្នក និងគ្រួសាររបស់អ្នក នៅព្រឹកថ្ងៃទី១០ ខែកក្កដា ឆ្នាំ២០២៣ ដោយទទួលការចង្អុលណែនាំពីលោកឧត្តមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម កម្លាំងជំនាញការិយាល័យនគរបាលចរាចរណ៍ផ្លូវគោក សហការជាមួយកម្លាំងអធិការដ្ឋាននគរបាលក្រុងកំពង់ចាម និង មន្ត្រីសាធារណការ និងដឹកជញ្ជូនខេត្ត ចុះផ្សព្វផ្សាយច្បាប់ស្តីពីចរាចរណ៍ផ្លូវគោក នៅវិទ្យាល័យ តេជោ ហ៊ុន សែន បឹងកុក ស្ថិតក្នុងភូមិទី១៤ សង្កាត់កំពង់ចាម ក្រុងកំពង់ចាម និងដោយមានការចូលរួមពី អ្នកគ្រូ និងសិស្សានុសិ្សចូលរួមចំនួន ១,២៥៥នាក់ ស្រី ៦៥០នាក់ ។

ក្នុងការផ្សព្វផ្សាយច្បាប់ចរាចរណ៍ផ្លូវគោកនោះដែរ ក៏មានចែកជូន លោកគ្រូ អ្នកគ្រូ និងសិស្សានុសិស្សនូវ÷

១-សៀវភៅច្បាប់ចរាចរណ៍ ចំនួន២០ក្បាល

២-អ្នកបើកបរម៉ូតូត្រូវយល់ដឹងអំពីរច្បាប់ចរាចរណ៍ផ្លូវគោក ចំនួន២០០ក្បាល

៣-ផ្លាកសញ្ញាចរាចរណ៍ ចំនួន២០០សន្លឹក

៤-ផ្ទាំងសញ្ញាចរាចរណ៍ ចំនួន២០សន្លឹក

៥-ឯកសារពាក់ព័ន្ធស្ដីពីសុវត្ថិភាពចរាចរណ៍ផ្លូវគោកមួយចំនួនផ្សេងទៀត ផងដែរ។