អនុសាខាកាកបាទក្រហមខណ្ឌ៧មករា ផ្តល់អំណោយមនុស្សធម៍ ជូនដល់លោក ប្រាក់ ហាក់ ប្រធានសណ្តាប់ធ្នាប់ខណ្ឌ៧មករា ដែលមានជំងឺប្រចាំកាយ ។

ភ្នំពេញ :នៅវេលាម៉ោង ១៥ៈ០០នាទីរសៀល ថ្ងៃពុធ ២កើត ខែទុតិយាសាឍ ឆ្នាំថោះ បញ្ចស័ក ព.ស ២៥៦៧ ត្រូវនិងថ្ងៃទី ១៩ ខែ កក្កដា ឆ្នាំ ២០២៣ លោក ឌី រ័ត្នខេមរុណ អភិបាលរងខណ្ឌ៧មករា និង ជាប្រធានគណៈកម្មាធិការអនុសាខាកាកបាទក្រហម ខណ្ឌ៧មករា តំណាង លោក ថេង សុថុល អភិបាល នៃគណៈអភិបាលខណ្ឌ៧មករា និងជាប្រធានកិត្តិយសអនុសាខាកាកបាទក្រហម ខណ្ឌ៧មករា បានដឹកនាំក្រុមការងារ ចុះជួបសំណេះសំណាល សួរសុខទុក្ខ និងផ្តល់អំណោយមនុស្សធម៌ ដល់ លោក ប្រាក់ ហាក់ ប្រធានសណ្តាប់ធ្នាប់ខណ្ឌ៧មករា ដែលមានជំងឺ លើសឈាម ទឹកនោមផ្អែម លើសជាតិអាស៊ីត និងរលាកទងសួត  ។
👉 ក្នុងការចុះសួរសុខទុក្ខនេះដែរ លោកប្រធាន អនុសាខា ក៏បាននាំយកថវិកាចំនួន ២០ម៉ឺនរៀល អង្ករ ១បាវ= ៣០Kg , មី ២កេស , ទឹកសុទ្ធ ២កេស , ទឹកត្រី ១យួរ , ទឹកស៊ីអ៉ីវ ២យួរ ដើម្បីជួយសម្រួលសម្រាប់ការសម្រាកព្យាបាលនៅផ្ទះផងដែរ​ ៕